Iqenjana labalandeli be Dynamos babeloku tshengisela ngemuva kokudliwa kweqembu labo izolo yi Ngezi Platinum Stars e-National Sports Stadium. I-Dynamos idliwe 1 nya, njalo bakhankasele ukuxotshwa ko mqeqeshi u-Tonderayi Ndiraya.

U-Deric Murimba u-hlohle ngemva kwe mizuzu engu-4 nje kuphela, loba i-Dynamos ibidlala kuhle, behlulekile ukuhlohla.

I-Dynamos isitshiywa yi FC Platinum ngama points, angu 11 njalo kukhanya ngani abasoze bayifumane i-Platinum. I-Dembara yacina ngo 2014 ukunqoba umncintiswano we League.

Umdlalo usaphakathi abalandeli be-Dynamos besebehlabela bemkhumbuza u-Ndiraya ukuthi yonke into ayimanga kuhle ngosmebenzi wakhe.

Kuthe kuphela umdlalo umqeqeshi wabo nozinti we Dynamos u-Gift Muzadzi, ukhuthwe yimbodlela, lowo oyijikileyo kabonakalanga.

Kuthwe osebuza zinthatheli ngengoma ebikade zihlatshelwa, uthe yena kazizwanga njalo akula angakutsho.

Uvumile kodwa ukuthi ukuzonda kwabalandeli, kuqondile njalo kufanele ngendlela i-qembu lakhe eli qhuba ngayo. Baphinde bammelela esangweni lenkundla abalandeli betshengisela, behlabela, besithi kaxotshwe umsebenzi.

Okumangalisa abanengi yikuthi abalandeli be-Dynamos laba bahlabele ezinye ingoma besithi u-MaBlanyo u-Llyod Chigove kaphenduke esihlalweni sobuqeqeshi, kodwa yibo njalo abamxotshisa umsebenzi ngo 2019.